मैत्री-विवाह

मैत्री-विवाह


आज माझ्या आंतरजातीय मैत्री विवाहाला १ वर्ष पूर्ण झाली!

होय मैत्री विवाहच...! मुद्दामच प्रेमविवाह हा जोडशब्द नाही लिहिला...!

असो... ह्या मागील एका वर्षात बुद्ध-शिव-फुले-शाहू आणि बाबासाहेब आंबेडकरांचे अनुयायी म्हणवून घेणाऱ्यांनी प्रत्यक्ष-अप्रत्यक्षपणे बऱ्याच गोष्टी बोलून-करून मला विचार करण्यास भाग पाडले! जसे की, प्रणितकडे किंवा माझ्या घरच्यांकडे लोकांचे बोलणे यायचे की, का तुम्ही दुसऱ्या जातीची मुलगी केली? सत्यशोधक विवाहच का केला? लग्नात नातेवाईकांचा मान-पान नाही केला! जोडा जमत नाही! न शोभणारी मुलगी केली! (मुळात मी लठ्ठ आहे!) नवरा डॉक्टर आहे तर मुलगी पण डॉक्टरचं करायला पाहिजे होती! न कमावती मुलगी केली... इत्यादी, इत्यादी! आणखी यादी बरीच मोठी आहे!


या सर्व गोष्टी पाहता मला प्रश्न पडायला लागले की चांगले आचरण, निस्वार्थ मन ह्याला काहीच किंमत नाहीये का? (नातेवाईक आणि ते कोण असतात ते तिऱ्हाईत 4 लोक्स! त्यांच्यासाठी तर नाहीच असते वाटते!)

लग्नानंतर बरेच जवळचे लोक मला म्हणायचे की थोडी बारीक हो... मला वाटायचं काळजीपोटी म्हणतात! (तसेही काळजीपोटी म्हणणारे आहेतकी म्हणा! नाहीत असे नाही!) पण नंतर जाणीव झाली की हे ते माझ्या काळजी पोटी न बोलता मला लेकरू होणार नाही ह्यासाठी बोलत आहेत! (त्यातही काळजी आहेच म्हणा!) पण वंशाचा दिवा आणि पणती वगैरे हीच का स्त्रीची किंमत! ह्या काळात अभ्यास कर आणि नोकरीला वगैरे लाग असे म्हणणारेही भेटले म्हणा... पण बोटावर मोजण्यावढेचं! 


ह्या आणि अशा बऱ्याच गोष्टी आहेत... म्हणजे वाचणाऱ्याला अगदी कंटाळा येईल!😅


परंतु वरती संदर्भ दिलेल्या लोकांनी महापुरुष पुस्तकातच (कोण जाणे पुस्तकातही वाचलेत की नाही की?) न वाचता त्यांचे विचारही मस्तकात घालावे! सध्यातरी... हीच एक इच्छा आहे माझी!


पण ह्या एका वर्षात माझ्या नवऱ्याचा मानसिक आणि भावनिक आधार कायमच माझ्यासोबत होता. आणि तो आयुष्यभरासाठी राहीलचं! ह्यात मला मुळीच शंका नाही. 


एवढ्या सगळ्या गोष्टी पार करून आम्ही सुखी संसाराचे एक वर्ष पार पाडलेचं की! तरी आयुष्यात आणखी बऱ्याच गोष्टी बघ्याच्या आहेत आणि संयमाने घ्यायच्या आहेत.


तुझ्यासोबत आयुष्य खरंच फार सोपं वाटतं... प्रणित!

❤️


Love You... Pranit Urmila Sanjay Patil

सोबतचं म्हातारे होऊ...!🥰


Date: 15/06/2021

© अपूर्वा संगिता विजय पोलासवार

B.Sc. Agriculture

Comments

  1. Anonymous15 July 2022 at 00:19

    Your writing is as good as your eloquence. There are many things that I have learnt from this blog. Happy Maitree_Vivah Anniversary to you Pranit sir and Apoorva mam💙

    ReplyDelete
  2. Anonymous15 July 2022 at 01:45

    All the best for bright future Apurva and Dr Pranit... lovely couple 💑

    ReplyDelete
  3. Anonymous15 July 2022 at 02:30

    ग्रेट जोडी आहे तुम्हा दोघांची
    मंगल परिणय दिनाच्या मंगलमय शुभेच्छा🥳🥳🙏🙏🙏

    ReplyDelete
  4. Dr. Pranit Urmila Sanjay Patil15 July 2022 at 03:44

    Thanks!🌻

    ReplyDelete
  5. Anonymous15 July 2022 at 06:23

    Dogha pan matare hoe paryant Asach Aanandi Raha..my best wishes for u both.

    ReplyDelete
  6. Anonymous25 August 2022 at 18:20

    👌👌👍

    ReplyDelete
  7. Anonymous26 August 2022 at 06:44

    छान... काही गोष्टींना पाठीशी घालून पुढे जायचा प्रयत्न कर.. नकारात्मकता नको कोण बद्दल ही.. सर्वान सोबत आपण जसे आहोत तशाच पद्धतीने राहायचं बोलायचं आणि वागायचं सुद्धा..
    एक लक्षात ठेव सारख्या व्यवसायातले लोक पण आयुष्यभरासाठी एकत्र राहू शकत नाहीत.. एक आयएएस आणि दुसरा पण आयएएस असणारे ते टिना दाबी हे उदाहरण आहे.. नात कोणाचं आहे हे महत्वाचं नाही ते नात कसं आहे , त्या नात्यात गोडवा कसा आहे , हे फार महत्वाचं आहे, नुसतं घर असून चालत नसतं तर त्या घराला घरपण देणारा भाव तसा त्यात दरवळत राहावं लागतं.. आंदण जगता आलं पाहिजे असा घर असलं पाहिजे आणि तू त्या पाईक आहेस याची खात्री मात्र नक्कीच आहे..
    बाकी छान लिहिली पोस्ट

    ReplyDelete
  8. Anonymous3 September 2022 at 05:55

    लग्नाला बोलवल नाहीस पण्या...

    ReplyDelete
  9. Anonymous3 September 2022 at 17:37

    At this time society will be of only materialistic thinking, it is no longer the same love emotion, its value is now decreasing.

    ReplyDelete
  10. Anonymous3 September 2022 at 18:53

    👌❤️

    ReplyDelete
  11. Anonymous5 September 2022 at 10:59

    या संधर्भात एकदम सर्व गोष्टी या माझ्या मनातल्या आहें.... या सर्व गोष्टी ला बरेच जण अनुभवतात पण... हे सर्व शब्दात मांडले त्याला.... सलाम 👍👍👍

    ReplyDelete
  12. Anonymous20 March 2023 at 05:45

    👌

    ReplyDelete
  13. Anonymous21 March 2023 at 11:01

    वैद्यक महत्वाचं मंन्जे एकमेकाले सहचर हुन खंबिरपणानं साथ हाच हाये खरा पुरावा माणुस असण्याचा तो फक्त पुऱ्या ताकतीनं आचरणातून दाखवा लोक्स कंपनी ले हेच सदिच्छा ्

    ReplyDelete
  14. Anonymous21 March 2023 at 17:48

    अप्पु छान लिहल मस्त

    ReplyDelete

Post a Comment

Popular posts from this blog

Choose your Lady Wisely; She represents you! ('व्हॅलेन्टाईन डे' च्या निमित्ताने...)

  Choose your Lady Wisely; She represents you!💞 ( 'व्हॅलेन्टाईन डे' च्या निमित्ताने...) एक साधारण कृष्णवर्णीय अमेरिकन व्यक्ती बराक ओबामा जेंव्हा पहिल्यांदा संयुक्त राज्य अमेरिकेचे राष्ट्राध्यक्ष बनले होते... तेंव्हा संयुक्त राज्य अमेरिकेच्या पहिल्या महिला म्हणून त्यांच्या पत्नी मिशेल ओबामांचा त्यांच्यासोबतचा फोटो प्रसिद्ध होत होता. आणि त्या फोटोसोबत एक वाक्य देखील सर्व सामाजिक प्रसारमाध्यमांमध्ये लिहून येत होते: Choose your Lady Wisely; She represents you! खरंय...! अपूर्वासोबत लग्नानंतर लगेच ह्या गोष्टीची अनुभूती मला झाली...! पण त्यापूर्वी मला ह्या वाक्याबद्दल फक्त थोडीफार समज होती कारण आमचा प्रेमविवाह!!! तोही आंतरजातीय! आणि एकदा ठोकर लागल्यावर तर माणूस ताकसुद्धा फुकून पीत असतो म्हणे! म्हणून लगेच वाचकाने ह्या लेखाच्या शिर्षकाचा अर्थ नकारात्मक घेऊ नये! नाहीतर आमच्या घरात भांडे वाजायला काही उशीर नाही! आणि तशी भांडी वाजायला पण हवीत म्हणा कारण ते म्हणतात ना " तुझं-माझं जमेना...अन तुझ्या वाचून करमेना! " असो... अपुर्वा संगिता विजय पोलासवार म्हणजेच माझी अप्पू...! माझी हमस...
Read more

शिवशक्ती आणि भिमशक्ती

 "शिवशक्ती आणि भिमशक्ती: महार(बौद्ध/नवबौध्द) व मराठा(कुणबी) समाजातील अंतर कायम ठेवून ब्राह्मणवादाला खतपाणी घालणारी कावेबाज संकल्पना" महाराष्ट्राच्या राजकारणात मराठा व गैरमराठा खास करून महार समाजाचा किंवा शेड्युलकास्टचा नेता एकत्र आला की शिवशक्ती व भीमशक्ती एकत्र आली असे म्हणण्याचा मूर्खपणा सर्रास चालु आहे. यामध्ये शिवशक्तीचा प्रतिनिधी मराठा नेता असतो व महार समाजाचा (शेड्युलकास्टचा) नेता भिमशक्तीचा प्रतिनिधी असतो. हा माहोल असा काही रंगवला जातो की पाहणाऱ्यास असे वाटते किंवा पटवून दिल्या जाते कि छत्रपती शिवाजी महाराज यांनी फक्त मराठा लोकांसाठी फक्त मराठा लोकच बरोबर घेऊन काम केले होते आणि बाबासाहेब आंबेडकरांनी फक्त शेड्युलकास्टसाठी फक्त शेड्युलकास्टचेच लोक बरोबर घेऊन काम केले होते. एरव्ही छत्रपती शिवाजी महाराज यांनी बहुजनांचे स्वराज्य निर्माण केले होते आणि बाबासाहेबांनी सर्वच भारतीयांसाठी संविधान लिहिले होते असे ओरडून सांगणारे पण या वातावरणात दिसेनासे होतात. हे सर्व पाहून एक भिषण प्रश्न डोळ्यासमोर उभा राहतो तो म्हणजे शिवशक्ती व भीमशक्ती मधे विभागलेला महाराष्ट्र फुले - शाहु - आंबे...
Read more